百變小櫻展覽即將登陸香港！網友：希望有巨型基路仔！

百變小櫻展覽即將登陸香港！網友：希望香港場有巨型基路仔！

百變小櫻｜百變小櫻展覽即將登陸香港！

你有冇試過半夜睇住粉紅色魔法棒對住卡牌扮小櫻念咒？

各位百變小櫻fans終於等到啦，百變小櫻展覽終於正式宣布今個夏天即將登陸香港！呢個展覽早前喺韓國同馬來西亞已經引起粉絲熱烈追捧，依家終於輪到香港啦！

呢個展覽源自2018年10月喺東京森美術館舉行嘅原版展覽，展出近200幅珍貴原畫、歷代的古羅卡同多套動畫原作服裝。

最吸引係有多個打卡位，一踏入已經置身夢幻花海之中，影相打卡一流，仲有超巨型基路仔公仔等住大家影相，比你一次過重溫百變小櫻嘅所有美好回憶！現場更會有展覽限定周邊同埋日本直送嘅精品，，例如基路仔小夜燈、手機繩等等，絕對係粉絲必買嘅珍藏。

▲官方已經宣布《百變小櫻特展覽》即將登陸香港，香港終於可以親身感受小櫻魔法的魅力。

▲百變小櫻特展覽早前喺馬來西亞舉行，係東南亞首個大型百變小櫻展覽，

當時已經吸引大批粉絲朝聖，反應超熱烈，今次終於輪到香港粉絲一齊參與。

▲過往其他地方展覽都帶嚟接近200幅親筆繪製嘅原畫，

無論你係新舊fans，都可以近距離欣賞小櫻世界每一個細膩畫面。

▲以往百變小櫻展覽其中一大焦點，就係會展出經典古羅卡。每一張卡都勾起童年回憶，粉絲可以近距離欣賞小櫻收集卡牌嘅精彩時刻，感受魔法世界嘅魅力。

▲場內曾展出多套動畫裡面出現過嘅經典服裝，等你一次過重溫小櫻每個經典造型。

▲展覽有多個打卡位，最搶眼一定係超大型基路仔公仔，

記住同可愛嘅基路仔合照，留低最靚一刻。

小櫻嘅魔法世界，打卡食嘢兩不誤！

百變小櫻展-魔法博物館香港站

2025年6月20日

至8月31日(每日)11:00 AM - 10:00 PM (11 小時)

香港旺角創興廣場地庫B2/F

隻大型基路仔面上那些紋似西瓜紋

应该会有cosplay吧

毕竟是香港媳妇儿

估唔到有咯

yzydmja 发表于 2025-6-5 12:12
隻大型基路仔面上那些紋似西瓜紋

睇基路仔个头，D纹路加颜色，我第一反应系整个南瓜甘

roraroland 发表于 2025-6-6 06:02
睇基路仔个头，D纹路加颜色，我第一反应系整个南瓜甘

我就觉得似个剥左皮的橙，哈哈哈~

一定要去支持一下。

搞到我都好想亲身去打卡